L’iniziativa per in scumond da minarets, che vegn suttamessa a la votaziun dal pievel la fin da november 2009, frunta sin gronda opposiziun. Persunalitads ed organisaziuns impurtantas da la Svizra han perquai lantschà in “Appel per libertad ed egualitad” per dar ina vusch a questa opposiziun. Ils auturs da l’appel represchentan in vast spectrum, els èn dentant unids en lur quità per il stadi da dretg svizzer. Durant tschientaners hai dà dispitas en Svizra pervia da religiuns e confessiuns. La libertad da religiun è in acquist da muntada essenziala che na dastga betg vegnir mess en privel malponderadamain. Ils auturs na vulan sco burgaisas e burgais betg desister da dretgs aquistads cun grondas stentas.
Davart quest appel
